اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ

اَمَّا بَعْدُ فَاَعُوْذُ بِاللہِ مِنَ الشَّیْطٰنِ الرَّجِیْم ط بِسْمِ اللہِ الرَّحْمٰنِ الرَّحِیْم ط

(مجلس مکتوبات و تعویذات عطاریہ کا تعارف (ایک نظر میں

مدنی نیت: پیارے آقا صلی اللہ تعالی علیہ والہ وسلم کی دکھیاری امت کی غمخواری کرکے رضائے الہٰی عزوجل کا حصول .

(1) تعویذاتِ عطاریہ:

تا دمِ تحریر20جون 2016 مجلسِ مکتوبات و تعویذاتِ عطاریہ پاکستان میں کم وبیش750 اور پاکستان سے باہر 230 سے زائدمقامات پر لگنے والے بستوں اور دعوتِ اسلامی کی ویب سائٹ www.dawateislami.net اور موبائلز پر موجود 12 سروسز(جس میں Home Deliveryکی سہولت بھی موجود ہے ) کے ذریعے دنیا بھر میں دکھیاری امت کی فی سبیل اللہ غم خواری کر نے کی سعادت حاصل کررہی ہے،پندرہویں صدی کی عظیم علمی و روحانی شخصیت شیخِ طریقت، عالم نیت ،رہبرِ شریعت حضرت علامہ مولانا ابو بلال محمد الیاس عطارقادری رضوی ضیائی دَامَتْ بَرَکاتُہُمُ الْعَالِیَہ روحانی فیضان سے ماہانہ کم وبیش 335,000 مریض اور اُنکے نمائندے فیضیاب ہوتے ہیں جنہیں تقریباً6لاکھ تعویذات واورادِعطاریہ فی سبیل اللہ کئے جاتے ہیں۔یوں سالانہ کم و بیش 4millions (یعنی40لاکھ کےقریب)پریشان حالوں کوتقریباً 7millions (یعنی70لاکھ تعویذات و اورادِ عطاریہ فی سبیل اللہ پیش کئے جاتے ہیں ۔)
اسلامی بہنوں کے بستے : الحمد للہ عزوجل پاکستان میں 80مقامات پر اسلامی بہنوں کے ہفتہ واربستے بھی لگتے ہیں جن پرتعویذاتِ عطاریہ دینے اور لینے والی صرف اسلامی بہنیں ہوتی ہیں ،ان بستوں پر ماہانہ ہزاروں اسلامی بہنیں فیضیا ب ہوتی ہیں ۔مزید بتدریج ملک و بیرون ملک میں تعویذاتِ عطاریہ کے بستوں کو بڑھایا جائے گا۔ انشا  ء  اللہ عَزَّ وَجَل

(2) مکتوباتِ عطاریہ:

امیرِاہلسنّت اورمجلس کوماہانہ بے شمار مکتوبات،رقعات اور ای میلزموصول ہوتی ہیں، امیرِ اہلسنت دامت برکا تہم العالیہ کے فیضان سےکم وبیش70,000اسلامی بھائیوں اوربہنوں کو مکتوبات( انکے مسائل کے حل کے ساتھ)بائی ہینڈ، نیٹ ،پوسٹ اور Home Deliveryکی سہولت کے ذریعے پیش کئے جاتے ہیں ۔

(3) ہاتھوں ہاتھ استخارہ:

الحمد للہ عزوجل دنیابھر سے روزانہ فون لائنز پراستخارہ کروانے والوں کا تانتا بندھا رہتا ہے اور ماہانہ کم و بیش 55,000 اسلامی بھائی اس سروس پر رابطہ کرتے ہیں ۔(اس سروس پر اسلامی بہنوں کو فون کرنے کی اجازت نہیں )

پاکستان استخارہ نمبر و اوقات: 00922134858711پر روزانہ صبح 9تا اگلے دن صبح 5 بجے (مسلسل 20گھنٹے)

ہنداستخارہ نمبر و اوقات :02223451126 پرروزانہ صبح 9تا شام4بجے(علاوہ اتوار)

UKاستخارہ نمبر و اوقات :01274733578پرروزانہ شام 6تا8 بجے(علاوہ جمعرات )

(4) روحانی علاج و استخارہ:

الحمد للہ عزوجل ہفتے میں2 دن مدنی چینل پر روحانی علاج و استخارہ نامی سلسلہ براہِ راست ٹیلی کاسٹ ہوتا ہے۔

(5)غمخواری اجتماعات:

مجلس کے تحت پاکستان کے مختلف شہروں اور پاکستان سے باہر پریشان حال اسلامی بھائیوں کی غمخواری کیلئے اجتماعات کئے جاتے ہیں جن میں صلوٰۃ الحاجات، سنتوں بھرے بیانات اوراجتماعی دعا کے ساتھ ساتھ استخارے، پیلئے کے مریضوں کیلئے خصوصی علاج اور تمام مسائل کے حل کے لیےتعویذاتِ عطاریہ کی ترکیب ہوتی ہے، الحمد للہ عزوجل ان اجتماعات میں ہزاروں اسلامی بھائی شرکت کرتے ہیں اور کئی اسلامی بھائی ہفتہ وار سنّتوں بھرے اجتماعات کے پابنداور ہاتھوں ہاتھ مدنی قافلوں کے مسافر بن جاتے ہیں ۔

مجلسِ مکتوبات و تعویذاتِ عطاریہ کے تحت ویب وموبائل سروسز

(6) ای میل استخارہ:

دعوتِ اسلامی کی ویب سائٹ پر ای میل استخارہ سروس بھی موجود ہے ۔جس پر روزانہ سینکڑوں میلز موصول ہوتی ہیں ۔

(7) کاٹ:

روزانہ دنیا بھرسے اسلامی بھائی اور اسلامی بہنیں اپنی اپنی پریشانیوں ،بیماریوں اور مشکلات کی کاٹ( یعنی نجات) کیلئے دعوتِ اسلامی کی ویب سائٹ پر موجودکاٹ سروس پر اپنا اپنامسئلہ لکھ کر مجلس کو بھیجتے ہیں جن کی روزانہ کاٹ کردی جاتی ہے۔ الحمد للہ عزوجل اس سے پریشان حالوں کو گھر بیٹھے فائدہ ہو رہاہے۔ ماہانہ 65000پریشان حال اس سروس سے فیضیاب ہوتے ہیں۔ (اس طرح سالانہ 7لاکھ80,000 سے زائد افراد کیلئے کاٹ کاعمل کیا جاتا ہے ۔)

نوٹ:یہ عمل ہر طرح کی بیماری،پریشانی،گھریلوناچاقی،مقدّمات،جنّات،جادو،کاروباری بندش،نظرِ بد، انسان، کاغذات یا مال کی چوری یا گم شدگی الغرض ہر جائز کام کیلئے کروایا جاسکتا ہے۔

(8) روحانی علاج(تعویذاتِ عطاریہ):

دعوتِ اسلامی کی ویب سائٹwww.dawateislami.netپر موجود روحانی علاج کی سروس سے دنیابھر کے پریشان حال اپنے مسائل،پریشانیوں ،بے روزگاریوں اورجنات جادو کے معاملات کا حل پاتے ہیں، اس سروس پر بھی ہزاروں اسلامی بھائی اور اسلامی بہنیں رابِطہ کرتے ہیں جنہیں بذریعہ ڈاک مکتوبات و تعویذاتِ عطاریہ بھیجنے کی ترکیب کی جاتی ہے الحمد للہ عزوجل اس سروس سے بے شماردکھی اور پریشان حال فیض اور شفا پارہے ہیں ۔

(9) ای میلز:

امیرِ اہلسنت د َ امَتْ بَرَکاتُہُمُ الْعَالِیَہ اور مجلس کوروزانہ دنیا بھر سے ہزاروں ای میلز موصول ہوتی ہیں جن میں اسلامی بھائی اور اسلامی بہنیں اپنی پریشانیاں اور دیگر مسائل لکھتے اوردعاؤں کی درخواست کرتے ہیں ۔ رابطے کیلئے ایڈریس یہ ہے:attar@dawateislami.net

(10)مرید بننے کیلئے :

ویب سائٹ پر موجوداس سروس پرماہانہ ہزاروں نام عطاری بننے کے لئے آتے ہیں جنہیں امیرِ اہلسنت دَامَتْ بَرَکاتُہُمُ الْعَالِیَہ کے سلسلے میں داخل کرکے رپلائی کے طور پر امیرِ اہلسنت دَامَتْ بَرَکاتُہُمُ الْعَالِیَہ کا مکتوب میل کیا جاتا ہے ۔

(11) واٹس ایپ استخارہ:

الحمد للہ عزوجل !صرف بیرونِ ملک رہنے والوں کے لئے واٹس ایپ استخارہ سروس بھی موجود ہے جس پر ماہانہ ہزاروں اسلامی بھائی اوربہنیں فیضیاب ہوتے ہیں (اس سروس پر صرف بذریعہ صوتی پیغام (voice message) اور (text message) کے ذریعے استخارہ کروایا جا سکتا ہے )۔لہٰذا کسی بھی قسم کی امیج(image)یا ویڈیوسینڈ نہ کی جائے۔

نوٹ: پاکستان میں رہنے والوں کو اس سروس سے رپلائی نہیں دیا جاتا۔ لہٰذا وہ اوپر موجود فون سروس پر رابطہ فرمائیں ۔

(12) sms/whatsapp پرمرید بننے کیلئے :

الحمد للہ عزوجل !میسج اور واٹس ایپ کے ذریعے بھی ماہانہ ہزاروں اسلامی بھائی اور بہنیں روزانہ عطاری ہور ہے ہیں، ا ن سروسز پرملک و بیرون ملک سے روزانہ سینکڑوں اسلامی بھائی رابطہ کرتے ہیں ، میسج اور واٹس ایپ کے ذریعے صرف عطاری ہونے کیلئے اس نمبر پر رابطہ کیجئے 2626112-321-0092

تعویذاتِ عطاریہ کے بستوں سے مدنی کاموں کے حاصل ہونے والے فوائد

٭ الحمد للہ عزوجل ! ہر ہفتے ہزاروں نئے اسلامی بھائی ہفتہ وار سنّتوں بھرےاجتماع میں شرکت کرتے ہیں ۔

٭ الحمد للہ عزوجل !ان بستوں سے ہر ماہ تعویذاتِ عطاریہ لینے کے لئے آنے والوں کو ترغیب دلا کرہزاروں مدنی انعامات کے رسائل پیش کئے جاتے ہیں ۔

٭ الحمد للہ عزوجل !ان بستوں پر غیر مسلموں کے اسلام قبول کرنے کی خوشخبریاں بھی ملی ہیں ۔

٭ الحمد للہ عزوجل !ن بستوں سے ہر ماہ مکتبۃ المدینہ و امیرِ اہلسنت دَامَتْ بَرَکاتُہُمُ الْعَالِیَہ ہزاروں رسائل ،کیسٹ اور V.C.Ds (نیاز اور شیرینی وغیرہ کی جگہ خرید کر تقسیم کرنےکی ترغیب دلا کر) فروخت و تقسیم کی جاتی ہیں۔

٭ الحمد للہ عزوجل !ہر ماہ ان بستوں کے ذریعے ہزاروں اسلامی بھائیوں ،بہنوں کو عطاری بنایا جاتا ہے ۔

٭ الحمد للہ عزوجل !ان بستوں سےسالانہ کروڑوں مدَنی عطیا ت جمع ہوتے ہیں ۔

٭ الحمد للہ عزوجل !ان بستوں سے سینکڑوں اسلامی بھائی مدَنی قافلوں کے مسافر بنتے ہیں ۔

٭ الحمد للہ عزوجل ان بستوں سے ہر ماہ کئی اسلامی بھائیوں کو داڑھی ،عمامہ ،درس،صدائے مدینہ ،مدنی انعامات و مدنی قافلہ کورس و مدنی تربیتی کورس،مدنی قافلوں میں سفر،مدنی انعامات پر عمل کروایا جارہا ہے۔

٭ الحمد للہ عزوجل ! ان بستوں سے بے شمار اسلامی بھائیوں اور بہنوں کو حیرت انگیز طورپر فائدہ ہوا ہے جس کی وجہ سے کئی گھرانے مدنی ماحول میں آگئے ہیں،اوربعض خوش ہوکر زمین یا رقم دعوتِ اسلامی کے مدنی مرکز کو پیش کردیتےہیں۔مجلس کی طرف سےمکتبۃ المدینہ سے شائع شدہ خوفناک بلا، پراسرار کتا،سینگوں والی دلہن ،خوش نصیب مریض ،کینسر کا علاج، اورجنوں کی دنیانامی رسائل میں بھی بے شمار مدنی بہاریں موجود ہیں ۔

نوٹ:مندرجہ بالا تمام مدنی کام دعوتِ اسلامی کے شعبے ’’مجلسِ مکتوبات و تعویذاتِ عطاریہ‘‘ کے تحت بستوں پر فی سبیل اللہ ہوتے ہیں ۔

مجلسِ مکتوبات و تعویذاتِ عطاریہ ( دعوتِ اسلامی )

۱۵ رمضان المبارک ۱۴۳۷؁ھ